Lu é beno cétkar randé dewré beno bela. Kam cétır erdi miyand haleta xu verdano se no lu şıno rışté cı veno.
Fıné, dı fınni, no lu i dest cétkari illallah kené.
Rojé cétkarıno nıçar şıno erdé xü miyand ké fına rışté haletta cı werdo, karé nıkeno u yeno kéye. Cénıka cı vanak
_ mérdek tı çı wına rew amey kéye?
_ pers mek cénıki, no mur lu i fına rışté Haletta ma verdıb. Mado né wesari miyand sekeré ezi né zana. No bé mıraz lu i bı çent fınnı oyo rışti Veno. Ez nışenak rışti bédin
Né qısa heré kéyi goştarey keno. Wınénok no lu o wéhérdé cıré tahda keno, büxü xüré vanok ezo hım wéhéré xü, hım zi dewja né mur lu i ra bıreyn.
Her vera şewra kewno ray u şıno fekté qülda né lu id mıl beno
Namé né lu i Beluban no, dı teney cıniyé cı u şeş teney zi qeçé cı bené. Namé cınayan dé cı jew sermast a biner zi serdew beno. No beluban sermast ra hendé serdew hes né keno, qandé coy sermast sevanase cıra emel zi né keno.
Beno vera şewra se sermast şına teber, şınak ké heré qül vero kewto u xü nıleqneno, aşt çoşmedé cıra şına naşt şına, né xü né leqneno. Seri hél keno. U vanak
_ no her amo qül vero merdo, ez ney belubaniré vaj
Şına veyndana u vanak
_ hele beluban werz rew heré no béterı amo kéberdé ma vero merdo.
Beluban cıra emel nıkeno u vanok
_ sermasté wa zuré to tayn raşti bé, né zura wına gırd mek.
Sermast wınénak cıra oyo emel nékeno se, şına kınarénd kewna. Solıxna serdew şına teber, azi heri dinena. Çoşmera doş bena her xü nıleqneno. Hema şına veyndana belubani
_ beluban, beluban hele werz ellay heréno hendé béteré ardo qülda ma vero kışto.
Beluban sermast re emel keno u werzeno. Şıno qül ver ké, e heréno béteré kewto oyo xü néleqneno.
Keçeki pıro werzené u kéf kené baba maré cıra goşt cık, baba maré gost cık vané
Beluban şıno miyané heri ser u dındana her yo keno war. Her wınénok gané cı tewa u dındani gandé cıra şi war se u hollo beno u vera dew remeno.
Beluban wınénok her warışto oyo remeno, sekeno, né keno nı şeno dındana gandé herire baanco.
Dıma serdew veyndana
_ la,la la beluban lıngané xü çek tupa, no hero mıratto, to bero dew miyan
Her belubani gıno u beno vera ké wéhér dé xü. Cıtkar şewra werzenok şıro cıt, wınénok heré ciyo pıta vera keye remeno u lu yéno miyané cı seroyo. Cıtér veyndano cénéker
_ la cénéki heré ma, oyo luyé bé mırazi ano hele tı mıré o kardiya maya tuj biya ez nı lu i, weş posteker.
Her yeno wıhér dé xü vero mıl beno u cıtkar belubani peydé mılira tepışeno, lıngané cı gırédano. Beluban çent xü holo kenose bilahaqo, nışeno xü verado.
Cıtkar gına belubani wıni weş poste keno u veradano. Beluban veradıyenose u dew miyanra remeno hette şan hent reseno kéye. Kéberi cenone kéberi cınéké cı akenık lu ıno sur oyo kıberi vero. Serdew vanak
_ la kürk sur, to qe kürk siya yé ma né dinaw?
Dındané belubani şark,şark yené pıro u lerzeno, beluban vanok
_ la kürk siya yé şıma zi eza, kürk sur ré şimazi eza
U, uza lerzeno u kewnow gan dano